Vetrarmánuðirnir eru rólegur tími í Bláa Lóninu og andrúmsloftið verður enn afslappaðra. Heimsókn á þessum tíma ársins er kjörin hvíld frá amstri hversdagsins og dekur í hæsta klassa.

Heitt vatnið í lóninu og kuldi vetrarmánuðanna gerir það að verkum að gufa liggur yfir öllu og dulúðin er aldrei meiri en einmitt þá. Að 'týna' sér í gufunni og eiga stund með sjálfum sér losar um streitu og hefur róandi áhrif á líkama og sál. Virk hráefni Bláa Lónsins, þörungar, kísill og steinefni, leika við húðina og þú verður sem endurnærð/ur. Það er ekki að undra að vetrarmánuðirnir eru uppáhaldstími margra í Bláa Lóninu.

Þó að hitastigið sé lægra á þessum árstíma þá er samt tilvalið að láta stressið líða úr sér í nuddi ofan í lóninu. Nuddarar Bláa Lónsins breiða yfir þig flísábreiðu meðan nuddið á sér stað og passa að þér verði ekki kalt. Bláa Lónið býður fjölda nuddmeðferða sem eiga sér stað ofan í lóninu, allan ársins hring.

Yfir myrkustu mánuðina kemur sólin upp um 11 leytið að morgni og hún sest rétt fyrir 4 seinnipartinn. Birtan í lóninu er sérstaklega falleg á þessum tímum, gulleit, gyllt og jafnvel bleik.

Seinna um daginn og á kvöldin, þegar heiðskírt er, verður stjörnubjart og rómantískt í Bláa Lóninu. Þá er tilvalið að enda ferð í Bláa Lónið á kvöldverði á LAVA.

Bláa Lónið er opið alla daga vikunnar frá 10:00 á morgnana til 20:00 á kvöldin yfir vetrarmánuðina, 1. september. - 31. maí. Nánar um opnunartíma.