Hér má sjá hvernig hefðbundinn meðferðardagur í Blue Lagoon psoriasis meðferð lítur út.

Gestir fara í læknisskoðun annanhvern mánudag.
Hjúkrunarfræðingar eru daglega til viðtals og ráðgjafar.

Mælt er með að gestir baði sig tvisvar sinnum á dag, á morgnana og síðdegis. Gestir sem vilja nýta frítímann síðdegis eiga kost á að baða sig á kvöldin milli kl. 20.00 og 22.00.

*Gestum er ráðlagt að hvíla sig á milli böðunar. Fyrir slökun er tilvalið að nota orkuherbergið þar sem hægt er að slaka á og hlaða líkamann orku. Úr orkuherberginu er stórkostlegt útsýni yfir fallega náttúruna umhverfis lækningalindina.

Í hverju herbergi er sjónvarp. Tölva er til staðar í setustofu.

**Gestir eru hvattir til þess að nýta frítíma til þess að endurnæra líkama og hug. Í lækningalind er góð aðstaða til líkamsræktar og einnig er kjörið fyrir gesti að fara í hressandi göngutúra og njóta ferska loftsins. Auðveldar gönguleiðir eru í nágrenni lækningalindar og hægt er að leigja hjól gegn vægu gjaldi.

Bláa lónið, ein helsta náttúruperla Íslands, er í einungis 10 mínútna göngufjarlægð frá lækningalindinni. Bláa lónið býður upp á úrval spa meðferða og nudd sem fram fara ofan í lóninu. Meðferðargestir fá 20% afslátt af spa meðferðum og nuddi. Í Bláa lóninu er veitingastaðurinn Lava þar sem a la carte matseðill er í boði og Blue Café sem býður upp á léttari veitingar.

Afþreying í boði